Her vil me presentere støttespelarar og gode samarbeidspartnarar! Denne lista er me stolte over!
Me har sjølvsagt plass til - og bruk - for fleire :)
Ta gjerne kontakt for ein prat og nærare informasjon. Vi finn alltid noko som passar!
24 Nettbutikk, Oslo
Me var so heldige å få tilbod om å bruke 24 nettbutikk for å få meir orden i sakene knytta til sal av profilartiklar. I tillegg lærer me masse om drift av ein moderne nettbutikk, og nyttar plattformen som heimeside. Me har fått veldig god støtte og rettleiing i etableringsfasen - og kan absolutt anbefale 24 nettbutikk til både samarbeidspartnarar og kollegaer i motorsporten!
A1 Reklame, Kaupanger
A1 reklame leverer alt av profilering, eksempelvis foliering av bil, skilt, verneutstyr og vindusdekor. Verksemda held til på industrifeltet i Kaupanger. Det at me har lokale ressursar og lokal kompetanse er ekstremt verdifullt. Og veldig hyggeleg! Robert Austheim er yngst i familiebedrifta og vår primære kontakt. Han har laga design og tek seg av all foliering på bilen. A1 reklame er ogso forhandlar av arbeidsklede. Me kjøper teamgensar og t-skjorter av god kvalitet her. Robert ordnar også med å setje på dei merka vi vil ha. A1 fiksar det meste, me er veldig fornøgde!
Avery Dennison NTP, Gaupne
Avery Dennison NTP (på folkemunne NTP) er ein leiande aktør innan merker som overførast til arbeidskle, sportskle og profilkle. Det meste av produksjonen blir levert i Noreg, i tillegg har dei store internasjonale kontraktar. Adidas, Nike, Premier League og FC Barcelona er kjende kundar. Viktige kundar er også forhandlarar av arbeids- og sportskle i Europa. Det starta i vesle Gaupne i 1988, dei konsernet no har etablert eit globalt innovasjonssenter. Her ligg hardt arbeid, høg kompetanse og skikkeleg lagånd bak! Me er kjempestolte over å ha med Avery Dennison på laget! Og merka på våre profilkle kjem sjølsagt frå NTP-gjengen!
Daco Mekaniske AS, Kaupanger
Daco held til på Kaupanger industriområde og utfører alle typar oppdrag innan sveising, platearbeid, industrirøyrlegging, maskinering og konstruksjonar. Dei utfører stadig oftare spesialoppdrag for sine kundar innan offshore og næringsmiddelindustrien med heile verda som leveringsadresse. Her får me hjelp av profesjonelle folk når det gjeld spesialtilpassa deler i stål, aluminium og andre material. Resultatmessig blir det alltid utført 100%. Me er svært heldige som har slik spisskompetanse og velvillige folk på laget!
Dalaker øl, egg og ved, Gunnar Dalaker, Kaupanger
Dalaker er namnet på ei stor slekt og ein gard i Kaupanger. Gunnar driv garden og jobbar som snikkar og altmulegmann hjå De Heibergske Samlingar, Sogn Folkemuseum. Dei er kjende for å vera arbeidssame, humørfylte og er særs aktive bidragsytarar til kultur, idrett og moro i bygda. Som einkvar god bonde, lagar han sitt eige heimabrygg, produserer egg til eige bruk og høgg sin eigen ved. Dalaker øl, egg og ved
So eksklusivt at det ikkje er til sals! Stor stas å ha dikka med!
Fargerike Sogndal, Sogndal
Fargerike Sogndal har fin butikk midt i Fjøra. Her finn du det du treng til ditt oppussingsprosjekt! Her er måling og beis med tilhøyrande verktøy, golv, tepper og tapet. Her får du ogso god hjelp til å setje saman fargar, slik at det passar i din heim. Det har me prøvd, og er veldig fornøgde! Torill og Stian er våre dyktige og hyggelege kontaktar. Verdt å nemna at dagleg leiar Stian er både ansvarleg familiemann og reiser innimellom på turne med Sogna metal bandet Vreid, som har eit stort namn internasjonalt. Stilig kombinasjon! Fargerike Sogndal har vore med sidan starten, det set me stor pris på!
Ellingsen Regnskapsservice, Sogndal
Tilbyr tenester innan rekneskap, løn og rådgjeving. Selskapet har lang erfaring og tek på seg oppdrag for næringsdrivande innan alle bransjar og selskapsformer. Ove er dagleg leiar og har hjelpt mange etablerarar opp gjennom åra. Ove har stilt opp med trygg rådgjeving for oss ved etablering av enkeltmannsforetaket, momsregistrering, igangkøyring med bokføring etc. Petter studerer økonomi, og meiner han lærer minst like mykje i dette prosjektet som i teorifaga på skulen. Ove har godt humør, gode historiar og snakkar so me forstår da! Me ser alltid fram til øktene med Ove!
Europris Sogn, Kaupanger
Europris i Kaupanger er positiv bidragsytar til det meste som skjer i Kaupanger. Me pleier å takke våre sponsorar med ein takkeplakat etter sesongen. Med Europris på laget har me kunna levert desse i fine råmer.. Manglar du noko til hus og heim, prøv Europris! "meir til overs" passar alltid.
Havnen Anlegg AS, Kaupanger
Hanven Anlegg AS tek på seg små og store jobbar i heile landet, og gir tilbud på jobbar innan bygg og anlegg. Sjekk ut om meir informasjon på deira nettsida.
Kaupanger Bil AS, Kaupanger
Denne Automester bilverkstaden finn du på industrifeltet i Kaupanger. Automester er ei i landsdekkande kjede med offentleg godkjende bilverkstader. Her får du utført EU-kontroll og alt av service, reparasjon og bilskade. Enkelt for deg – bra for bilen. Her møter du meget trivelege folk som er dyktige i faget. Dagleg leiar er sjølvaste Kenneth Nornes, mannen som tok Drifting til Sogn. Imponerande nok held han fortsatt koken so berre da! Han har gjort seg bemerka i toppen av norsk drifting i mange år, og har erfaring også frå internasjonale løp. Kenneth blir alltid lagt merket til – er kjend for å gje absolutt alt! Stolt av å ha Kaupanger Bil med på laget!
Kenneth Foss AS Kaupanger
Ny partner frå 2021! Kenneth Foss er oppvaksen i same grend som sjåføren, etablerte eiga verksemd i tidleg alder. No har han rigga seg med eige område og lokaler på industrifeltet vårt og står på! Stas å ha "naboen" med på laget. Dei driv kjøp/sal/eksport av brukte lastebilar og anleggsmaskiner og maskintransport over heile landet. Sjekk ut heimesida! :) Lenke i overskrifta.
Kiropraktorklinikken,Sogndal
Dei held til midt i sentrum av Sogndal, 2. etasje i kontordelen av Sogningen Amfi. Kiropraktorklinikken er ein smerteklinikk og eit privat helsesenter for muskel- og skjelettplager. Dei har inga venteliste og akutte pasientar blir priotert. Dei etablerte kiropraktorane ved Kiropraktorklinikken i Sogndal har 20-års brei erfaring og er stolte over å vere dyktige til å stille korrekt diagnose og ha effektive behandlingsteknikkar som gjev raske resultat. For ein bilmekanikar og motorsportutøvar er det flott å kunne stikke innom for ein "service" ved behov!
La-Bim AS, Sogndal
La-Bim er ny partner i 2020! Lasse Vikøren er den unge, driftige mannen bak La-Bim! Han e oppvaksen i Kaupanger og kan hjelpe med byggesøknader, teikning, uavhengig kontroll og landmåling. Lasse har lang erfaring med håndtering av søknader etc. Sjekk ut heimesida, ta kontakt for ein uforpliktande prat!
Maskinentreprenør Einar Dalaker, Kaupanger
Dette er også ei familieverksemd. Einar er tvillingbror til Gunnar, og av samme ulla :) Maskinentreprenøren har lang erfaring, og det er vel ikkje ein plass i bygda dei ikkje har lokalkunnskap. Dei stiller på små og store prosjekt. Einar er far til fire og idrettslagsmann på sin hals. Han køyrer skispor om vinteren, er ein av drivkreftene i arbeidet med Kaupanger idrettspark. Han stiller også velvillig opp for motorsporten. Stødig og løysingsorientert arbeidskar som brenn for å bidra til positiv aktivitet i bygda. Høgt verdsett!
Montér Andersen, Kaupanger, Lærdal, Øvre Årdal
Montér Andersen etablerte byggevarehus i Kaupanger våren 2019. Frå før var dei etablerte i Lærdal og Øvre Årdal. Dei leverer både til proff- og privatmarknaden, har eit stort vareutval, bra varelager og tilbyr utkøyring til eit stort område. Her finn du også det meste av verktøy og utstyr til oppussing og arbeid i hus og hage. Sjekk nettsida, kom gjerne innom, eller ring dei for å avtale utkøyring. Vår eigen Petter Wefring Osen har deltidsjobb her, so her e me tett på! Me gler oss til samarbeidet!
Move Sogn, Kaupanger
Nystarta konsept samlokalisert med Toyota Sogn. No kan du få tak i bil, baot, e-scooter og el-sykkel. Sjekk ut deira nye heimesider.
Pluto Performance, Voss
Arve Brekkhus, er ein meget allsidig og arbeidssam kar med spesialkunnskap på mange områder. Me kjøper det meste av deler gjennom han, og det er ikkje utan grunn. Han yter fantastisk service og veit kva som er best til sitt bruk når det gjeld performance deler. Han samarbeider ogso tett med RFS Performance. Stolt av å ha Pluto Performance med på laget! Sjå Facebook side Pluto Performance.
RFS Performance AS, Gaupne
Reidar Fjøsne Skartun som står bak RFS, er av dei beste “tunarane” i landet/verda når det gjeld bil og motor. Han har ein kunnskap som ikkje mange andre har. Her får me alltid gode svar viss det er noko me lurer på. Servicen han yter er fantastisk, og det er alltid spennande med ein tur inn i RFS garasjen. Stolt av å ha han med som fast tuner! Sjå Facebook side RFS Performance AS.
Røyrleggjar Roald Øen AS, Sogndal
Røyrleggjar Roald Øen er ei familiebedrift. I tillegg er Runar, far til Jørgen ein del av dette gode arbeidslaget. Øen har butikk med ustillingar like ved Kvåle Stadion og Sogndal ungdomsskule. Kom innom for ein hyggjeleg prat eller sjå på eit utvalg av deira varesortiment. Øen har vore med som solid støttespelar sidan starten i 2016! Dette er ein bilinteressert gjeng, som faktisk har sitt eige "varemerke" Oeencars. Me set stor pris på all støtte frå Øen & co!
Skadesenteret Sogn, Kaupanger
Skadesenteret Sogn hjelper deg (og oss!) med oppretting av bilskade når uhellet er ute. Profesjonelle løysingar har alltid vore varemerket, om det gjeld små bulkar eller omfattande skader. Du kan stole på kompetente fagfolk, her blir dei minste riper oppdaga, so du får att strøken bil. Skadesenteret Sogn var ein god støttespelar for oss etter "taking" i 2018. Takk og pris..! Sjekk heimeisida :)
Skjeldestad Kontorspar, Sogndal
Skjeldestad kontorspar er din lokale leverandør på eit breidt utvalg av kontor- og datarekvisita,, reinhaldsprodukt, tørke- og toalettpapir, kantineartiklar og kontormøblar.
Med personleg varelevering kvar veke, ynskjer dei at du som kunde skal oppleve god service - det kan me skrive under på at du får! Du kan besøke dei i butikken i Sogndal sentrum, eller registrere deg i nettbutikken deira.
Toyota Sogn AS er ein autorisert Toyota-forhandlar, som har vore etablert i Kaupanger sidan 1982. Dei sel nye og brukte bilar og tek PKK, service og reperasjonar på die fleste bilmerker. Har også bilbergingsavdeling for Viking og SOS. Dei er samlokalisert og samarbeidar tett med Skadesenteret Sogn og Hertz Sogndal. Sjekk ut deira heimeside for meir informasjon.
Vang Auto-service Vang i Valdres
Ny partner frå 2021! Veldig moro at dei vil profilera seg med oss. Dei driv stort innan bilberging, verkstad, sal av snøscooter, vannscooter for å nemna noko. Dei satsar stort med base i Vang i Valdres, og er i tillegg veldig trivelege. Sogn er god nabo og viktig marknad også for dei. Sjekk ut heimesidene deira!
